Patsak ishkay chunka waranka, ashtawan
miranakunchik
 |
-
Shuk tantanakuyman tantaryka allimi kan, karipa warmipa kashpapash, shukpika chay tantanakuypimi kani nichun, shinallata paykunapak yuyaykunawanpah kachun. Shinapash tantarishpaka mana yankalla kanachu, mana chay tantanakuyman apuchita kushpallapash, chay yuyaywan chay tantanakuywan pakta kankapami, chay tantanakuywan pakta purinkapak ashtawan sapiyashpa. Ñukanchik Ecuador Mama Llaktapika patsak ishkay chunka waranka mashikunami kay yuyaykunatak hapishka tantarishka MPDwan, Shuk ruku charik runakunapak tantanakuykunaka imatapash mana ruray ushashka purinahun, wakinkunaka achka kullkiwan kallarinahun hapinkapak tantarikkunata, shukkunaka shuk shutita churarinahun, kutin shukkunaka ña chinkarinkapak purinahun.
-
-
Patsak ishkay chunka waranka yallita, ishkay chunka chusku markakunapi, ña Movimiento Popular Democraticopa yuyaywan tantarishka, yanapankapa mushuk Mama Llaktatamanta wiñachinkapak, Socialismoman chayankapak, rikuchinkapak imashinami wiñahun wakcha llaktakunapak yuyay Ecuador Mama Llaktapi.
Chay Patsak ishkay chunka waranka mashikunaka rikushka imashna ñukanchik llamkashka, ñukanchik rurashkakuna ally kashka , ñawpakpi hatarikunapi tukuyllapak sumak kawsayta maskashpa, awkikaytapash, Ecuador Mama llakta Kamachiktapash ally rurana nishpa kashkanchik.
-
Patsak ishkay chunka waranka kuna ña churakun “lista 15” kushmata kushilla, shuk tantanakuykuna ninanta MPDta na allita rimanahukpipash. Kimsa chunka watakunatami charikkunapak tantanakuykunaka na ally kachishpa shamushka rimashpaiman, llikawillaykunawanpah ñukanchk tantanakuyta, kunankarin ashtawanpash sinchiyachishpa revolución ciudadana shutichishkawan; shinapash mana ushanchuk. Ashtawankarin tukuylla MPDwan tantarishkakuna sumak kushita rikuchin riksishpa imashina kay tukuilla watakunapi makanakushpa shamushka, ñukanchik llaktakunapak kawsaymanta.
-
-
Ñami Patsak ishkay chunka waranka kanchik, shinapash mirashpa katinahunchikmi, yachachikkuna, uchina hatukkuna, llankakkuna, kitipi kawsakkunapash kunanka ñukanchiwanmi kan, ashtawan chayamunahunpashmi. Ayllu llaktamanta runakunapash yakumanata, allpamanta hatarikkuna, kawsaymanta shayarishkakunapash ñukanchik tantanakuyman yaykumunahun. Kichwa Shuar runakunapash achkami kan. Shinallatak hatun Amauta Wasipi yachakuk wamprakupashmi tantarimushka. Shamuk punchakunapika ashtawan mirankapak sinchimi llankashun. Chaitaka ushashunmi.
-
-
Pakta paktami rinahunchik, hatun kullki charikkunapak tantaakuykunawan, paykunapak tantakuykunaka tukuytami ruranahun Alianza Paiswan. Ñukanchika charinchik sarunmantapacha sumak yuyayta, Ecuador Mama Llaktapi ñukanchik kay watakunapi imashina hatarikunawan shamushkatapahs riksinmi, charinchik hatun tantanakuytapash katinkapak ñawpakman.
-
-
Ñukanchika kay tantarikunata hapishpa purikunapika yachakushkanchimi, llaktakunawan achikata rimarishkanchi, tarishkanchik imashina paykunaman chayanata, ally pachakunami, llaktakunaka shayarishkami shuyanahun, achikakunami mushuk kawsayta munashka shuyanahun, ñukanchik apuk kunaka riksishkakunami llaktakunawan pakta kaymanta. Tukuyllakunapak rukukunapak mushukkunapash rishunchik ñukanchik ñawpakpi kankapak.
-
INICIO
Tukuylla pachakunata hatarikunawanmi killkashka
 |
-
Sarun pachakunamanta, llapi tukushpa kawsashkakuna hapi ushashka shuk punchakunata sinchi shayarishpa, hatarishpa, makanakushpa. Chay hatarikunataka shinapash charik awka runakuna upallayachishka nima na kashkachu nishpa. Kunanpash shinallatak rikuchinkapak munan hatarikunataka na alli nishpa, kay “Revolución Ciudanapika” kaykunaka na tiyanachu nin.
-
-
Yuyarishpaka Jumandimantapacha Rumiñawipash hatarirkami makanakunkapak españamanta shamushka mishukunawan. kipapika Kitu Kitipi chay españamanta mishukunapak churikunawan makanakurka, chaipika hatun wasitayman rupachirka.
Eugenio Espejoka tutakunami puka wipalakunata churashpa puri karka, sarushpa kawsakkunata na nishpa, killkashkakunatapash ñankunapi sakishpa purirka, chaymanta wichkanawasipi churakpi chay ukupi wañurka.
-
-
Mama Llaktakunata wiñachinkapak shayarikunapika Venezuela, Ecuador, Colombia, Perumanta kunami urkukunapi, sachakunapi paktay usharka munashka kikinkayta. Daquilemapash llaktakunawan shayarirkami chukrichinakunata hapishpa Garcia Morenota na nishpa. kipamanka alfaristakuna machetekunawan, allanakunawan yallirka revolución liberalta. Guayaquilmanta llankakkuna ñankunapi hatarishkakpi tawkapachakunata wañuchirka, chaipa hipaka pusak uchilla pachatami llankanata hapi usharka.
-
-
Tukuylla llaktakuna Kiti ñankunaman llukshishpa Bucaran, Mahuad, Lucio Gutierrez Ecuador manta kamachik pushakunata kallpachirka, na yanka kashkachu ashtawankarin, ayllu llaktakunapi kitikunapi hatun hatarikunawanmi chaykunataka ruray ushashkanchik, ñukanchik kawsaymantapsh mutsurikunata. Charikkunapa tantatakuikunaka na munanchuk llaktakuna hatarichunka, paykuna mishay tukunata yachashpa.
-
-
Ñukanchika na wañuchikunapash kanchichu sumak kawsayta charinkapakmi purinchik. Wañuchikunaka charikkunapa tantanakuikunawanmi purin imashina wañuchirka Jaime Hutado, Pablo Tapia shukkunatapash. Kay waki kamachikkunapash llakikunata apamun rukukunata wawakunatapsh wañuchin, llapishpa kawsan llankakkunata, pampapi kawsakkunata, runakunatapsh.
-
-
Chay tantanakuikunaka, kutinlla tukuilla llaktakunata apukunanti huchachishpa rimashka purinahun, shina kakpipash ima shinami yallishka punchakunapi wamprakuna , llankakkuna tukuilla Ecuadormanta llaktakuna shuk makillami tantanakunka, katinkapak mushuk punchakunata maskashpa, Mushuk Ecuador Mama Llaktata wiñachinkapak, Socialismoman chayankapak.
INICIO
Yakumanta, Kawsaymanta Makanakunchik
 |
-
Tukuylla llaktakuna, tantarykuna yaku kamachiypi churachun yuyayta riksichinchik
-
Yakuka tukuylla runakunapak hayñimi, “60 litrotami” shuk runa mikuna punchami chaymanta nima kullkita kunachukanchik, shinallatak parkuy yaku uchina, chawpilla allpata tarpukkunapash.
-
-
Kawsay yaku kullkita wiñachina, chay kullkika yakumanta mana kullkita kunkapak, shinallatak yaku ruraykunapa, kamanankapapash.
-
-
Yakumanta kawsaypura kawsak, tawkakawsayyuk Mamallakta tantanakuy , shuklla kamachik kachun, killkachun, yakuamanta imata rurana, nina kakpipash paikuna rikuchun, tukuylla llaktakunawan rimarishpa.
-
-
Ayllu llaktakunata, hatun ayllu llaktakunatapash tapuna nara yakuta charkakkunaman punkarakkunaman kushpallatak, shinallatak yakuta imatapash ruranakakpi.
-
-
Mana yaku shukpaklla, shukkunapak makipillapash urmachun. Utka rikuna yaku killka kushkata, shinallaltak mana ally paktachishkatapash.
-
Yaku llankaykamay, mañaymashkay, tukuyllakunapa ayllu llaktapallami tukuna.
-
-
Tukuchina INTERAGUAta.
-
-
Na sakinachu yakuta uchina hapinakunapi hapishpa hatuchun, tukuyllakunapa ayllu llaktapallami tukuna.
-
-
Ayllutintinkuy, kiti kamachikkunawan pichka watapi rikuna mapa yakuta, kupakunatapahs.
-
-
Charkakkuna punkarakkuna na llankay ushanachu ally yaku tiyak pushtupika.
-
-
Charkakuna punkarakuna shukkunapash mayu yakukunataka alliyachishpami tikrachina. manapacha yakutaka mapayachinachukan.
INICIO
Yanka Rimay Sinchiyakun
 |
-
Rafael Correa paypak mushuk llankaykamayukkunata churakushpaka nishka ashtawan “Revolucion ciudadanata” sinchiyachinkapakmi, sinchiyachi tiyashpapah mana tukuylla llaktakunaman paktachimanka rihunchu, ashtawankarin karuyakun ruraykunawan, charikkunapak ruraykunarami ashtawan alli sinchi shayarishka, nimatak mana takarishkachu chulla chulla kawsak sapirishkata, mamallaktata llapishkatapah.
-
-
Correa paypak yanapakkunantimi yanka sumak rimaypi, ñukami shukta rurak kani nin, shina nishpapash achikapacha kullkitami shitan karu rikunapi paykuna tukuyta, rurashkata rimashka rikuchinkapak. Shinami punchan punchan karuyan paypak mishana rimaywan, paypak ruraykunaka ashtawan allawkarin, utika hapin charikkunapak ruraykunata.
Mamallakta awkikaytapash riman shinapash Estados Unidosmanta awkakunawan yanaparin, kunkashpa sakin Colombiapi awkakuna tiyarishka rimaykunata. Tukuchisha nirka ñukanchik punkarata mana yanka apachun, shinapash killkarka arininakuyta shuk mamallaktamanta lllankakwasikunawan. Mana riksishunchuk nirka karu mamallaktakunawan manukunata, shinapash kay wataka $900.000.000 kullkitami karakrin. Charik pantachikkunata churashkakullkita hapishun nirka; tukuchishun nirka ñukanchuk charishkata mana hatushpa katinkapak, mana tukuyllapak kanakuna shukpalla tukuchun, shinapash pantachishkakunaka shukllapash mana wichkanawasipikachu, ruraykuna kamachiykunaka wakin charikkunapakllami alli rurarikun.
-
-
Willaykunata yupaykunatapash mana alli rikuchin, yanka rimay llullashpa rikuchin, shuk rikuchipi nishka 42.000 mushuk yachachikkunata llankachun churashka ashtawan hawayashpa richun, shinapash mana ninchu chay yachachikkunaka wakin killakunapallak churashkata, mana ninchu 12.000 mushuk kuskakunata kunankaman mana huntachi ushan 2007 watapi wiñachiskata.
-
-
Mana rimanakunatapash riman, Correa nishka llankaysamaykunapak kullkika ayllutintinkuypami yanapashka kullkimikan, IESSka chay kullkitaka mana mutsunachu nishka, mamakamachiy killkashka hayñita tukuyllapak kawsaykamaytapash mana riksihspa, mamallaktakamachik manutapash mana riksinkapak munanchu.
-
-
Achkata yanka rimashpaka paypaklla sumak alli kaytami maskan, payllak hatun apuk tukunkapak , ushayta paylla tantachinkapak, tukuylla llaktakunapi rikurinkapapash. Shinapash Correaka llaktakunata paypak ruranakunapakka mana allikunami, ushashpaka tukuchinkapak munan, tantanakuykunatapash. Kamachiy munaykunapika paypak yuyashkatalla rurankapak munan, llaktayuk rukurayak tantanakuyka yankalla kimirishka sakirin. Shukmanpash upallayachin chukrichin llaktakunapak tantanakushka makanakuyta.
-
-
Shinallatak ishkay llulla yuyayta churan; llaktakunapak tantanakuy shuk tantanakuykunapash imatak nikpipash Correaka rimashpa sakin, paykunaka yankakunami nishpa, shinakunatak nishpaka tukuylla llaktakunata pantachinkapakmi munan; mana tantarichun, mana makanakuchun, paykunaka allawkakunami nin. Shinapash mamallakta tukuylla llaktakuna mana paypak pukllaypi urmanchu, makanakushpa katin alli kawsaymanta. mana yallishka pachawan purinchu, kunan llullakunawanpash
-
INICIO
Mushuk Kawsaymanta Makanakuyka , Socialismomanta Makanakuymi
 |
-
Ecuador Mama Llaktamanta tukuylla kari warmi wamrakuna, llankakkuna makanakunakun mushuk mama llaktamanta socialismoman chayankapak, yakumanta makanakuy, punkara, pacha mamata mitsay, kishpirina yachachimanta, punkuta wakinkunalla ñunkanchipak tiyashkata apakkunata wichkay, chaymi makanakuy mushuk kawsaymanta, socialismomanta.
-
-
Mamallaktakamachik allawkariktaka MPDwan Pachakutikwan tantarishkami makanakunakun FRENTE POPULAR CONAIE ruraykunawan, llankakkuna, ayllu llaktapi kawsakkuna, makirurakkuna, allpata tarpukkuna, llankaysamakkuna, uchilla mintalakuna, yachachikkuna, yachakukkuna, paykunapak tantanakuykunawan ruraykunata hatarichin kawsaymanta, hayñimanta, kishpiymanta, tantanakuymanta; punchan punchan tantanakushka llankanchik allawkakunata, capitalismota mishankapak.
-
-
“Revolucion Ciudadanaka” Che Guevarapak takitami takin, shinapash ñan washamanka llaktakunapak makanakuyta rimashpa mapayachin; takin apunchik mama llakta kipamanka punkarataka shuk mamallaktamanta llankakwasikunaman sakin; shimi hunta runa apukkunata ahanan, runakunapak tantanakuykunata pakinkapak katin; mikun wakchakunawan chaymanta llukshishpaka sikachin yurak yakuta; wakchakunaman kullkita kun, wanutapash, kipamanka shinallatak manukullkita sikachin, chayka na mushuk kawsaychu yanka rimayllami, Correa paypak yanapakkunawan allawkakunapak pukllaypi kan, paykunapak llankanakun, mamallaktata tukuylla shukkunaman sakinkapak.
-
-
Chicago kitipi llankakkuna yallishka pachapi wakchakunapak makanakuyta killkashka, charik yurak runakunawan makanakushpa, pusak uchilla pacha llankanamanta paykuna atipanata hapinkapak atinakun mushuk kawsayman chayankapak, mana shuk apunchiklla tiyachun, llaktakunapacha tukuyllapak kawsaypa rikchachinkapak; mushuk kawsayta, mushuk mamallaktata, socialismotaka wamrakuna, llankakkuna, Ecuador mamallaktamanta tantanakuykunami paktachinka.
-
“Revolucion Ciudadanaka” Che Guevarapak takitami takin, shinapash ñan washamanka llaktakunapak makanakuyta rimashpa mapayachin.
-
-
Yaya sinchi makan
-
INICIO
Mirashpami katinchik, chaymi Correa umata chinkan.
-
Geovany Atarihuanawan rimari. MPDta apuk tayta
-
Charik yuyaywan sinchiyakun, Hillary Clintonwan rimarishpaka Estados Unidoska sumak mi nirka, paypa yuyayka mana anticapitalista, antiimperialistapash kan.
-
-
-
-
 |
Imapatak Hillary Clinton Rafeal Correata rikunkapak shamushka?
Ecuador mamallakta kamachikpa rimary shuk mamallaktakunawan washaman rihun, karuyan mamallaktakunapak awkikaymanta. Estados Unidos awka tiksita colombiapi churanakakpi puntaka mana nishka, kunanka upallalla tapuy rurashkata paktachichunlla mañayta churashaka. Ecuador awkapi yankikuna yaikushka huchachika washapi sakirishka, hipamanka arininakuyta mirachin Estados Unidospa yanapaywan, kamachiypaktachishpa CIA, DEA nukanchik mamallaktapi yaykuyta. Angosturapi chucrichishkata mamallakta kamachiy nimata nin, yankikuna Manta kitimanta shina rurashkata yachashpapash, ashtawankarin Juan Manuel Santosta Colombia mamallakta kamachik tukukpi alli kachishka. Correa chay llakikunata kunkakpipash llaktakunaka na kunkachichu. |
-
Imashnata rikurin Ecuador mamallakta ukupi, Kamachiypa mushuk ruray?
Maki purami, mamallakta kamachik charikpa yuyay sinchiyashka Hillary, Clintonwan rimarishka, chaypillatak Estados Unidos sumakmi nishka, shinallatak Rafael Correa paypa yuyay mana anticapitalista, atiimperialistapash na yankachu. Capitalismo, imperialismo llakita churashkata tukuchinkapak hatarika na wakchapa yuyayta charinchu, na ushanchu revolucionario, socialista kani nita. Urmanahun uyakuna. Chay ñantallata katishpa inty raymi killapi “30 millones de dolares intereses de los bonos global 2015 “ paktachishka, chaykunaka na riksina nishka kashpapash, Kay watapi kunka “900 millones de deuda externamanta” puntapi rimaytaka kunkashpa. Kunan allichina waksi, chawra kullikiyanapayta, rikuna uchillakunapa kullkiyayta.
-
Imashna mirachina mamallaktapak hatunkullki mana waksi, chawrata chanichishpa?
Rurankapak munashpaka, tukuylla Llaktakunata yuyashpa, transnacional, oligarquiapa hawapi kakapika, mamallaktapak hatunkullki tiyanami. Kamachiyta pantachik churashkakullkita hapishpa watapi “2000 millones de dolares” tiyanman. Ecuador llaktapak mamakamachiyta paktachishpa mana shuk mamallaktamanta llankakwasi punkarata shuwachun sakinachu, achika kullki yaykumuna, manu kullkitapash na kushpa “900 millones watapi tantachina, chay kullki yachachipa, ali kawsankapa, llankaytapash tukuylla charinakanchik.
-
Imashpata apuk Correa katilla, katilla MPDta, kamachiy killkakkunatapash ashta riman?
Nukanchik wakchapak yuyayta charikpik, ruraykunapash tukuylla llaktakunapak mutsuritami rikunchik, Montecristi kitipi mamakamachiypi killkashkata paktachichunpash, shinapash mamallakta kamachikka shuk ñanta hapishpa purihun, shuk llankayta rurashpa. Chayta rikushpa, kamachiykuna, ruraykunapash mana llaktakunata sinchiyachikpi, hatarinchik na ally nishpa, mushuk yanapayta rikuchishpa. mamallakta kamachikka astawankarin, pakinkapak, chinkachinkapash munan achika tanatnakuykunata shina UNE, FEUE, CONAIEta chayka ñukanchik paikunapa makanakuypimi kanchik. Correaka na rikuy ushan Jorge Escalata, llankay huchata Vallejota katikpi, chaypi rikuchirka yachay kamaywasi kullki shuwashkata, Ramiro Teranpash rikuchirka Correa-Nebotwan ITERAGUATA paykunapak mitsashkata, shinallata na rikuy ushan Francisco Ulloata rikuchikpi amauta wasi kamachiypi watarinahukta, Linder Altafuyapash Ecuador llaktapak kawsaykamay wasiman kulkita yallichichi nishkamanta. Imatapash na ruray ushashpa imatapash nishpa kaparin. Correapa yuyay ruraypaka nukanchika ushutapi hatun rumimi kanchik, chay na allikachin, rikuchin wawashinakuna nishpa, makakkuna, yuyay illak, huchuyachishpa charinkapak. Shinapash nukanchik yuyayka paskarihun achika tantanakuy mushuk pachata maskakkunapi, ñami charinchik 150.000 MPDman tantarishkakunata, ashtawan mirashpa katinchik, Chaymantami Correaka uma chinkashpa rimashpalla kan. Imatak na alli rurakukta payllata yachanmi. MPDka mushuk mamallaktamanta Socialismomtami hatarishka, payka “anticapitalista, Estados Unidosta sumakyachin. MPDka ima shina shamushka shinallatakmi katinka llaktakunawan , llankakkunawan pakta makanakushpa.
-
INICIO
Challwaka paypa shimiwanllatami wañun
-
Na anticapitalista, na antiimperialista Kanichu, shinami rimanman Alvaro Uribe, Febres Cordero, Alvaro Noboa, Lucio Gutierreszpash, llakta llapiykunakashpa, chaytaka Rafael Correamimanta shukshin, payllatak ishkay rimaywan rikuchirirka llapiy yuyay charikta, kunkurishka llapiy yuyayman, Estados Unidos imperialismoman kararirka.
-
Llanktakunaka ally rimaytami charin imashina nin “Challwaka paypa shimiwanllatami wañun” maki rukapa shiwashna urman Carondelet cahy runapak, kunanka mana llapiy yuyaymanlla kararishka ashtawankarin piña allkushna cahy yuyayta hapishka kan, kaymanka kuti Alfaro, Bolivar, Peraltapa llaktakunaka antiimperialista kan, Mana kullki yuyay yallishka, ashtawankarin llaktakunaka mamallakta awkikayta katishpa kawsan. Rafael Correa piwanpachakakta payllata rikuchirishka, shinakashpa mana takinkachu Che Guevarapa takita, Patria Tierra Sagradatapash, Estados unidos mamallakta takita takinkapak, “hasta la victoria siempretapash” na rimankachu, pinkay tukukpi Abya Yala llaktakuna kari warmi hatarikunapak dolarta na nishpa, Correataka imashina Lucio Gutierrez Estados Unidos ñukapa sumak mashimi ninatalla pakahun, shinapash ñawpak nishkawanlla yacharin piwankakta “cordiales relaciones existentes con los Estados Unidos”. MPD manta kayanchik tukuylla tantanakuyman, riksichinkapak imperialistakunata, llapiy yuyakkunata, mitsankapak ñukanchik charishkakunatak, yanki yarhay, shuwakunamanta.
-
INICIO
Movimiento Popular Democratico
|
Challwaka paypa shimiwanllatami wañun
XIII Seminario
Internacional 
XVI Convención Nacional 
